BOUKIEBANANE

YONI & LINGA / MORE THAN YOURSELF

Boukie Banane I : www.boukiebanane.orange.mu
Boukie Banane II : http://morisien.blogspot.com/
Boukie Banane IV : http://tizistoir.blogspot.com

YONI & LINGA

Mo tantinn veritab lera legliz,
nam kalimay, sanbrani, tanbalon
kontan dir chichi kan lisien kroize,
zenes anbrase ou kares lekor
- tousala bisagn, sime perdision.
So program virzinite eternel
dan roiyom Bondie modi ar lakras
pese ek pianter dan lekor imin.

Sa gran Indou la ki priye Buddha
finn pas akote - finn refiz gete? -
sazes oryantal dan zardin zepis,
plezir parfime, erotism tantrik.

Finn tro tar pou li konn adorasion
dan lalians sakre Yoni ek Linga.


YONI & LINGA

My aunt’s very church-mouse
ritual faithful and shrine worshipful
spits disgust when dog-bitch crudely mate
when youths kiss, cuddle or pet
- disgusting! the road to perdition.
Her Eternal Virginity Pragramme
in God’s kingdom cursedly spits on
sins and stench of the human body.

This genuine Hindu who worships Buddha
has chosen to miss or ignore
Asian wisdom in the perfumed garden
of erotic bliss and tantric orgasm.

Too late for her to worship
the Sacred in the Yoni-Linga Alliance.

PLIS KI TOMEM

Dir moi mo tonton, dir moi Ton Toulsi,
ki vedir lamour.
To finn konn Adan, to finn konn so Ev,
Adam ek so Stiv; Ziliet, Romeo;
toi ki finn souy larm
Marie-Madeleine ar anchrra Dropadi
dir moi, dir moi vit ki vedir lamour,
Dir moi Ton Toulsi.

Kan to kontan li plis ki kontan toi;
kan dan partaze to trouv to boner;
kan to bieneme anflam to lavi,
dan so lizie kler, so lekor beni
to santi prezans to prop kreater
lerla to kone Lamour beni toi.


MORE THAN YOURSELF

Uncle tell me, tell me Ton Toulsi,
what is love.
You’ve known Adam and Eve,
Adam and Steve, Juliet and Romeo;
you who have wiped
Mary Madeleine’s tears with Dropadi’s saree
tell me what love is,
tell me Ton Toulsi.

When the other you love more than yourself;
when you find joy in giving;
when your beloved enthuses your life
and in her clear eyes and blessed body
you feel the presence of your Creator,
then you know that Love has blessed you.

©Dev Virahsawmy
Boukie Banane I : www.boukiebanane.orange.mu
Boukie Banane II : http://morisien.blogspot.com/
Boukie Banane IV : http://tizistoir.blogspot.com

SACRED LOVE / THE ALLIANCE

Two recent poems by Dev Virahsawmy

LAMOUR SAKRE

Mo kamouad Edouard pa fer diferans
ant fer ti koko, fer gate, lamour
ek fer malis. Mo pa kone kifer.
Eski li dir sa pou mok mo kiltir,
pou dir ki mo lang zis bon pou lisien
- enn desarz difout fertiliz dizef?
Eski dapre li extaz erotik
li zis ekziste lor trotoir Paris?

Koir moi mo matlo, dan mo ti lavi
sorti bitasion, lamour li sakre
kan mo bieneme ek moi donn nou tou
dan tandres, kares, zouisans partaze.

Nou partaz lamour dan plezir lekor
parski samem pli gran kado Bondie.


SACRED LOVE

My friend Edouard kens no difference
between cuddling, petting, loving
and fucking. I don’t know why.
Does he mean to offend me,
meaning my tongue is dog’s breakfast
- a burst of sperm to fertilise?
Does he think erotic bliss
is only found on Parisian walks?

Take it from me, friend – a simple
rural boy I am – love’s sacred
when my lover and I share all
in kind caress and mutual bliss.

We share love in body’s joy
For this is God’s great gift.

©Dev Virahsawmy

Boukie Banane I : www.boukiebanane.orange.mu
Boukie Banane II : http://morisien.blogspot.com
Boukie Banane IV : http://tizistoir.blogspot.com
LALIANS
papa, patron, pret, paster, profeser
tousa bann P la finn ayjak pouvoir
pou fer devlopman rim ar dominer
bayonet ar labraget; tilespri
ar lapeti pran, pran, pran san done

mama, matronn, mis, maser, mataji
nek donn zot pouvoir, get Matahari
inpoz lor nou tou vazinokrasi

Kan enn zour Bondie dan lakaz baba
ti sem zerm lamour, sa zour la li ti
anons nou nesans sivilizasion
ki sarye lalians Linga ek Yoni.

Ni patriyarka, ni matriyarka!
Nou ador lalians Yoni ek Linga.


THE ALLIANCE

pater, patron, priest, pastor, pandits
all these P’s have highjacked power
to get growth to rhyme with oppression
and bayonet with fly; and nitwits
with gusto take, take, take and never give

mater, matron, miss, mother, mataji
give them that power and Mata Hari
inaugurates viginocracy

When God did sow in woman’s womb
the seed of love, that day He
announced the birth of life
that carries Linga’s and Yoni’s Alliance.

Patriarchy no. Matriarchy no.
We adore Linga’s and Yoni’s Alliance.

©Dev Virahsawmy

Boukie Banane I : www.boukiebanane.orange.mu
Boukie Banane II : http://morisien.blogspot.com/
Boukie Banane IV : http://tizistoir.blogspot.com

WORSHIP / THE FOUNTAIN

Two poems in Morisien (Mauritian) by Dev Virahsawmy followed by a loose translation into English.

BOUKIE BANANE I: www.boukiebanane.orange.mu

BOUKIE BANANE III: http://poezi.blogspot.com

BOUKIE BANANE IV: http://tizistoir.blogspot.com
BOUKIE BANANE V: http://noveladev.blogspot.com

BOUKIE BANANE VI:http://seleksionpoemdev.blogspot.comBOUKIE BANANE VII: http://prezidanotelo.blogspot.com

ADORASION
Dilo sakre Granbasin
Kavo sakre Perlaval
Ros Noir sakre dan Kaaba
Tou bann pelrin zoinn pou ador Sakre
Moi pov bachara dan tousa Senier
Mo pa pe trouv toi. Pardonn moi!
Me kan lame-lipie enn bieneme
atas lekor ar lekor; kan lalev
fonn dan zouisans parfime;
kan laverite touni pe ofer
bote eternel partaze;
kan lekor ekler lespri,
lespri fer lekor vinn sin
dan li se Toi mo adore.

WORSHIP
Grand Bassin's sacred water
Father Laval's sacred shrine
Kaaba's sacred stone
Pilgrims meet, worship Sacred
But dear God forgive a poor soul,
In all these I see thee not.
But when limbs with limbs
lovers bind; when lips melt
with perfumed thrills;
when truth naked offers
eternal beauty shared;
when body shines on mind;
and mind blesses body
in her I find You, O Beloved.

BOUKIE BANANE I: www.boukiebanane.orange.mu
BOUKIE BANANE II: http://morisien.blogspot.com/
BOUKIE BANANE IV : http://tizistoir.blogspot.com

LASOURS
Sime la li bien-bien long
Sime la li bien-bien dir
Komie finn pas lor la avan moi
Zegoui dife dan lesiel
Lapousier dan mo labous
Mo lagorz pe amar-amare
Lasours la li ankor loin
Bien-bien fre, bien-bien kler
Lasours kot nou tou pou al boir

Simitier ranpli ar fler
Kot bann frer finn depoz zarm
Sime la li pas kot simitier
Mo lavi kouma lapousier
Pou fini dan simitier
Mo lespoir zame li pa pou tingn
Pou sak flanbo ki pou tingn
Ena mil pou alime
Ziska ki sime tous lasours
Marenoir pe rod noiy moi
Marekaz pe rod boir moi
Ena kamrad ferm koste ar moi
Me dime komie pou ena
Ler soley manz marenoir
Komie ki pa ankor vinn fler
Seki yer soir ti ar moi
Zordi nek enn souvenir
Souvenir ki lour dan mo leker

Nou bizin met sime kler
Nou bizin konstrir bann pon
Pous par pous, pa par pa ziska lasours
Mem si nou nou pa gagn sans
Nou zanfan va profite
Lapousier pou vinn lalimier
Lasours la li ankor loin
Bien-bien fre, bien-bien kler
Lasours kot nou tou pou al boir

THE FOUNTAIN
This hard road is mighty long
This long road is mighty hard
How many are they who trod it's dust
Fiery darts are in the sky
Choking dust is in my mouth
And my throat narrows down to gasp
The fresh fountain's miles ahead
All so clear, all so cool
That's where we'll all drink our joy

Graveyard's full of pretty flowers
Where pals lay down their arms
The road goes by the burial ground
My life's just a speck of dust
Which seeks sleep in a graveyard
But hope will not blow out its light
For each light which does go out
Thousands will kindle new hope
Showing the way to the fountain

Darkness tries to gobble me
The swamp tries to swallow me
Some pals and I are huddling through
But tomorrow who'll be there
When the sun sucks in the swamp
Who's not buried in petals
Some are gone who once were here
Now only a memory
Memory heavy on my heart

We must all clear out a path
We must all build out bridges
Step by step towards the fresh fountain
Even if we don't get there
Our children surely will
For dust will turn into light
The fresh fountain's miles ahead
All so clear, all so cool
That's where we'll all drink our joy


©Dev Virahsawmy

BOUKIE BANANE I:www.boukiebanane.orange.mu
BOUKIE BANANE II: http://morisien.blogspot.com
BOUKIE BANANE IV : http://tizistoir.blogspot.com